粵劇名伶蓋鳴暉與吳美英一連兩晚在新光戲院作慈善演出，前晚招待長者睇大戲，昨晚則為保良局義演，蓋鳴暉希望善款籌得愈高愈好。年初跟無綫約滿的蓋鳴暉坦言已婉拒續約：「同無綫一直以半部頭約形式合作，都有成20年。李居明同新光戲院續咗6年約，未來呢6年想放時間喺舞台粵劇上，試過拍劇3個月抽一日做大戲都難，好吃力，暫時都唔會拍住。我同無綫都係朋友，有時間都唔介意客串。」
