伍淑怡搶先出寫真搵肌佬幫拖
每年寫真戰都是女星及o靚模必爭之地，今年書展將於下月20日開幕，但戰況仍未明朗化。曾表示會參戰的36G崔碧珈及E Cup莊端兒的作品仍在密鑼緊鼓製作中，尚未公開性感照片，粉絲只得個等字。
去年底o靚模伍淑怡（YoYo）因裸照流出（界）手自殘而廣為人識，今年YoYo亦會推出寫真，大騷34E、24、34身材。她睇準時機，決定搶飲頭啖湯率先於本周五舉行寫真發布會。雖然屆時未有寫真書實體，但可落訂預購，一於吼實宅男粉絲荷包。
拒出低招
有「翻版謝婷婷」之稱的YoYo表示當日會唱歌冧粉絲，並有大隻猛男助陣，但不會玩送底褲或錫粉絲等低俗招數。她說：「我本身形象未必係咁好，想慢慢扭轉大家對我嘅印象。本書入面都有性感內衣照同半裸照，但盡量影得高貴啲，亦有去沖繩影大自然靚相，書入面有我自己寫嘅文章同詩句剖白心聲，希望大家了解我多啲。」
擇日出書
YoYo解釋率先於六月底發布寫真，只因堪輿學家認為當日對她有利，並非因覺得受其他女星威脅：「邊個人出寫真對我都唔係威脅，大家粉絲唔同，我冇諗點同人爭。其實個日子一早就定咗，真正嘅寫真就書展先有得賣。（怕太早發布後勁不繼？）我呢個月會不停宣傳，而且早啲畀人知道，令人更加期待啦。」
文：影視組