杜琪峯捐獎金培育電影新血

導演杜琪峯（杜sir）昨晚與韋家輝、黃秋生及黃浩然等現身中環，在「2016年萬寶龍藝術贊助人大獎25週年慶典」中接受「2016年萬寶龍藝術贊助人大獎」榮譽。杜sir透露活動只能邀請20位嘉賓，未能盡邀圈中好友，而得獎的1.5萬歐元（約13萬港元）獎金，計劃捐予鮮浪潮以培育電影新一代。問到會否在家中設地方擺放獎座？他說：「自己有個習慣，啲獎儲埋一堆會拎去香港電影資料館，畀大家欣賞。呢啲嘢都係電影界帶畀我嘅，係屬於投資者、演出嘅人，大家都有份，應該放喺嗰度畀大家睇番，就算喺我度都係塵歸塵、土歸土。（有冇計拎咗幾多個獎？）我連拍過幾套戲都唔記得囉！」