翠如呻搵錢少唔夠同學多
浸大傳理學院舊生黃翠如前晚出席60周年校慶及短片分享會，為回饋母校，她不收酬勞參與拍片，講到不少舊同學轉職其他行業，更高薪厚職成為超級高層，謙稱「搵得少」的翠如直言不能只向錢看：「我哋加入傳媒界都因為遠大理想！」
香港浸會大學傳理學院出身的黃翠如前晚與同樣是浸大舊生的許靖韻及柳俊江出席浸大60周年校慶《6x10短片放映分享會》，多位幫手參演短片的藝人姜皓文、王梓軒、馮素波及「牛雜妹」李美琪等均有出席。
翠如表示為回饋母校，不收酬勞參演其中一段短片：「大家都為支持香港電影業好有心。（你扮演學生？）我已經做唔番學生(O架)喇！短片講番浸大學生嘅經歷，我係飾演阻止學生搞電影嘅人，想帶出訊息係做電影、傳媒好難，有啲同我一齊畢業嘅同學轉去其他行業，已經係超級高層，而我就冇得升職。（你人工高啲？）Show過出嚟，唔係囉！不過我哋加入傳媒界都因為遠大理想。」她表示當年若不選擇傳理學院，可能會修讀美術，並打算再進修。
蕭正楠急性皮膚炎
講到男友蕭正楠（Edwin）炎夏拍古裝劇《翻生武林》，翠如表示對方手腳患了急性皮膚炎：「好慘呀佢！早幾日陪佢睇醫生，佢唔知畀咩咬到，加上出汗又焗住。（塊面有冇事？）就係冇，所以要繼續拍囉！（幫佢搽藥膏？）佢話留番啲藥膏畀我！唔知愛我定咒我！」
而Edwin昨日與姜大偉（John）在電視城拍劇時展示手上紅點：「拍嗰陣有三日瞓地下，可能畀蟲咬！起咗撻嘢，初初以為沖凍水涼冇事，但愈來愈大撻，連大腿同背脊都有！」後來求醫打針服藥，並指擔心拍古裝會焗出汗，令皮膚炎復發！
「牛雜妹」唔知入圍未
另外，早前參加viuTV選美的「牛雜妹」表示因尚未到截止報名日子，故未知能否入圍，但對自己有信心：「呢個選美唔止睇外形，仲係真人Show，睇到性格同其他技能！」她笑言父母比她緊張，母親更經常留意新聞為她搜集「戰情」。
文：影視組