蔡思貝墊鬥格唔使打底
藝人蔡思貝、吳啟華及李施嬅等昨日在荃灣宣傳無綫劇《純熟意外》，穿露肩高衩短裙的思貝玩遊戲時忘形走光，露出胸墊，至於玩到除鞋的賴慰玲亦因褲腳太闊而不慎洩春光。思貝與啟華齊齊受訪，問到打扮性感，會否擔心走光？思貝笑說：「冇諗過玩到咁刺激！（做足打底措施？）冇，不過OK！」身旁的啟華笑稱自己亦有走光：「我有爆衫，胸肌勁得滯！」兩人劇中原來飾演父女，問到無緣演情侶，會否感到可惜？思貝說：「仲好啦！咁仲親！」
李施嬅暗寸未夠班？
李施嬅日前指新人如蔡思貝理應獲得更多機會，思貝再次澄清彼此沒有鬧不和：「佢咁講令我好開心。（唔覺佢寸你係新人？）冇咁多鬥爭同不和。」至於穿露腰裝的施嬅坦言若要作比較，對思貝並不公平，更將姊妹胡定欣拖埋落水，笑稱要與「視后」定欣力爭長短：「我要爭就同姊妹胡定欣爭，之前有報道話佢同楊怡爭食鮑魚，爭拍《溏心風暴3》，我都鍾意食鮑魚，我都想拍！我好耐冇同定欣合作，要爭都同視后爭。」問到是否認為思貝「未夠班」與她作比較？她說：「唔係，我出道十幾年，佢先出道冇耐，咁比較對佢唔公平，希望大家畀多啲機會同空間佢。」她又自認被姊妹指不夠進取，所以開腔指渴望與梅小青再合作。
