54歲利智「峰」采依然 36F激凸出巡

黃蜂腰有

一代性感女神利智當年參選亞姐，姣好身材及獨特的半鹹淡廣東話成為其標誌，當中將「陰謀」錯講成「陰毛」更成為一時熱話！1999年結婚及生女後，她一直專心照顧家庭，先後傳出在美國、新加坡及上海定居，鮮有在港公開亮相。前日下午六時半，現年54歲的她以全黑造型，披散一頭曲髮現身中環。

黃蜂腰都Keep到

久未在港露面的利智保養得相當好，皮膚白皙兼秀髮濃密，完全是「美魔女」典範，最令人羨慕的是其姣好身材絲毫沒有走樣！雖然包到冚，衫鈕扣到上頸，但密實打扮依然難掩其魔鬼身材，見其36F驕人上圍依然「堅挺」，22吋「黃蜂腰」亦Keep到！現場所見，她獨自從商場步出，然後行去的士站等車，期間用手遮擋猛烈陽光，上車時發現記者後顯得有點愕然。

記者其後致電陳嵐，提到好友利智返港兼在中環出沒，她說：「係呀！佢同老公一齊返咗嚟，不過今日已經返咗上海啦！（有冇約佢食飯？）佢住我屋企啫！（佢哋返嚟傾工作？）唔係，做啲私事啫！」

54歲的利智完全冇走樣，導彈上圍差啲破衫而出！

利智久未在港露面，被「捕獲」後一臉愕然。

文、攝：追蹤組