被封為「人生勝利組」的麥明詩，似乎最有資格以成長經歷去探討贏在起跑線的問題，星期四晚的《沒有起跑線？》中，她會與一個好勝逞強的小女孩分享自己學習經驗，麥明詩說：「呢個例子幾特別，屋企人冇逼個女仔讀書，但係佢自己性格係唔輸得，令到自己好大壓力。節目中會同佢分享自己嘅經驗，好似自己讀書唔係為咗要贏人哋，自己係想完成夢想、目標而去讀書，我同佢講唔好忘記初衷，做乜嘢嘅目的都係為咗令自己開心。」
講到家長Irene「贏在射精前」言論引起網民爭議，麥明詩說：「我反而冇資格去講湊仔，但係自身經歷，媽咪從來冇逼我去讀書、學嘢，細個淨係學過游水同彈琴，反而媽咪會同我傾好多偈，去培養我嘅自信心、樂觀、積極心態。」對於被麥媽媽爆小時候缺乏自信、怕羞，兼中五初戀一閃即逝，她笑說：「我細個係靜啲、怕羞啲，呢啲都係事實，亦可以畀大家睇到我嘅另一面。」