何超盈代父出征 攬攬英女王
賭王四房千金何超盈代父親何鴻燊出席英國皇室盛典，更與英女王近距離接觸。雖然無緣與真人合照，但超盈卻攬着英女王一比一的人形紙板影個夠本！
賭王四房千金何超盈近年頻頻現身國際盛會，前日她出席每年一度在英國舉行的盛事英國皇家賽馬會（Royal Ascot）活動，同場巧遇亞洲最大木門製造商夢天集團太子女余晚晚。超盈透露今次是應父親何鴻燊好友兼英國貴族Sir Ben Slade之邀，更非常難得地成為英女王官方嘉賓（her majesty's offical guest），超盈坦言有錢都買唔到，因必須有一定的社會地位，故十分感謝對方邀請。
隔鄰包廂偷影成功
超盈越洋接受訪問時表示：「Sir Ben Slade係我喺英國讀書嗰陣時嘅監護人，佢本來想請我同爹哋去，因為爹哋去唔到，所以由我做代表出席。雖然爹哋知道活動當日撞正父親節，但佢覺得係個好難得嘅機會去見識，所以佢都好鼓勵我參加。」而她所處的包廂位置正好在英女王包廂的隔鄰，所以超盈一見對方出動，便即時拿相機偷影。首次見到英女王真人的超盈表現興奮，更大讚對方有氣質！超盈其後又破例，獲准參觀只限男成員出席的The White Gentlemen Club包廂。
今回港補祝父親節
此外，超盈獲Sir Ben Slade姪仔安排，大搞巴士派對：「Sir Ben Slade怕我悶，所以叫佢嘅姪仔搞咗個三十人嘅派對，仲整咗個英女王紙牌，話怕我見唔到英女王會失望，所以整咗畀我影相。」她表示是次英國之旅除出席盛會外，亦有工作在身，主要洽談與藝術有關的合作。她更來去匆匆，今天返港才與父親吃飯補祝父親節，並將送上在英國買的大褸給爸爸。
文：名人組