練海棠坐偷食車蒲頭同大胸女斬纜
伍詠薇與老公練海棠一直公認是圈中的恩愛夫婦，不過早前男方卻被爆與大胸女車廂蜜會，令老婆要為他交代事件兼向傳媒鞠躬道歉。事發後練海棠一直潛水未有露面，至昨日終首度「蒲頭」。
伍姑娘黐男模
練海棠於下午約二時半，由司機接載下，獨自坐「偷食車」離開貝沙灣寓所，直駛往香港仔一間銀行，下車後頭耷耷急步往銀行，逗留約二十分鐘離開，他步出門口時甫見記者在場亦面露笑容打招呼，問有否向老婆箍煲及解畫？「偷食」一事有否影響婚姻？他統統未有回答，直至問到有否仍與大胸女聯絡？他即耍手擰頭，劃清界線說：「冇啦，梗係！（太太有冇罰你？）冇，冇嘢呀！」說罷隨即匆匆上車返歸慰妻。
至於未有陪伴老公外出的伍詠薇，則於微博大晒與男模宋斗煥拍攝節目時，男方赤膊換衫的合照「示威」，並留言感謝宋斗煥上其節目。
文、攝：追蹤組