DJ麻利亞復工無懼打的
早前涉嫌被的士狂迷騷擾的電台女DJ麻利亞（原名鄧慧妍），停工近一星期後昨日返電台復工。她直言疑人已在上星期（15日）落網，現已不再擔心安全，中午更一個人去食雲吞麵，又表示仍有坐的士：「都要回復正常生活，慢慢過渡。依家坐其他車（的士）都好好坐，司機都叫我唔好坐其他車。」
講到DJ Donald（唐劍康）懷疑被該的士狂迷所傷，麻利亞直言感難過：「好似累咗人咁，佢（Donald）無辜，我又無辜！唔知可以點幫到佢，因為已經硬食咗受傷。」問到有否叫電台加強保安？麻利亞指保安平日會幫她視察有否可疑車輛，但覺得有人陪伴最重要。