古明華患神秘傳染病入院隔離

本報昨日收到消息指無綫藝人古明華（古佬）因患上傳染病而秘密入院！據知，古佬目前入住隔離病房，即時停工而未能繼續拍攝無綫新劇《三個女人一個「因」》，他亦深怕驚動身邊人而不願向外透露留醫。其實古佬於上月現身無綫的《五月星辰》活動時，曾提及生日願望希望大家身體健康，皆因自己已病足一個月，期間不斷睇醫生，可見他的身體持續抱恙。

妻女未有中招

記者就此事致電古佬，他表示因過勞入院，接受身體檢查後留醫休息。問到為何病情嚴重到需要隔離？古佬強調獲醫生告知只是染上低傳染性的病菌：「有少少唔舒服，喺醫院抖緊！檢查緊係咩傳染病菌，留醫幾日。（依家隔離緊？）係呀！但醫生講明係低傳染性，連親密如我太太同囡囡都冇傳染到，我都冇事！好快就出院，我唔想嚇親合作嘅同事同接觸嘅人。」

新劇搵人頂替

《三》劇監製潘嘉德坦言知悉古佬入院，需搵人頂替其角色：「佢停工對套劇影響不大，依家搵人頂替佢，萬事等古佬休息好先。」同劇的黃智雯直言開劇前已知古佬久病未愈：「都係從監製口中先知！開劇前已知佢唔舒服，希望佢快啲康復！」至於與古佬有不少對手戲的袁偉豪則說：「我都有諗過慰問佢，但等佢好好休息先！我同佢都有啲同場對手戲，不過唔緊要，希望佢早啲康復。」

放大圖片	活動現病樣 古明華早前在活動上已透露抱恙，睇足一個月醫生仍未康復。	袁偉豪與黃智雯坦言不擔心被古明華傳染。

另外，無綫製作資源部總監樂易玲坦言知道古佬患病，指他一直持續有發燒，需要留院觀察，因隔離中而未能探病，但有密切電話聯絡了解病況。

文：影視組