Bob直擊「醉」佳CP震撼！

林盛斌（Bob）為前晚澳門生日會的司儀，對周焯華與Heidi這一對在生日會內台上唱歌的親密舉動大表震撼，他說：「其實台上都好混亂。（Heidi喊？）我諗Heidi係清醒，當時我有問佢係咪OK？佢話冇問題，而周生係有啲醉意，佢係有啲不知所措，其實佢哋上台後，兩方面嘅朋友都將佢兩個推埋一齊，相信係佢哋嘅朋友都好想周生、Heidi走番埋一齊。（起哄叫復合？）台上好嘈，我唔係好聽到，不過我見到佢兩個原本唔係一齊坐，但唱完歌落台後就坐埋一枱，有傾有講，後來我做完嘢再出番台前，已經唔見晒人！（想佢兩個復合？）我係局外人唔敢講，當然想佢兩人好好生活，開心快樂！」