陳瀅捱到年底見家人

陳瀅、雷頌德太太梁家玉（Jade）、龍殿兒與王曼喜等出席護膚品活動，陳瀅透露忙於為新劇煞科，忙得連父親節也忘記，亦未有任何慶祝活動。她指已好幾年沒有慶祝父親節：「上一次見爸爸係大半年前，不過我同爸爸一星期至少會通兩次視像電話，我自細就同爸爸分開兩地，都慣咗佢唔喺身邊。（幾時去探爸爸？）最近工作好多，完全唔夠時間用，希望年底可以同屋企人相聚。」
陳瀅低胸裙騷美腿。
陳瀅低胸裙騷美腿。

Jade則稱父親節會在家BBQ慶祝：「我諗唔到煮乜好，但我會親自醃嘢食，中西式都會準備。（囝囝有冇準備父親節禮物？）向來都冇要求佢準備，因為心意係自發性，但學校有要求囝囝以父親節為題去畫畫，所以就算乜都冇準備，都仲有張畫送畀老公。」

梁家玉今日在家搞BBQ慶祝父親節。
  • 梁家玉今日在家搞BBQ慶祝父親節。
王曼喜（左）與龍殿兒交流護膚心得。
  • 王曼喜（左）與龍殿兒交流護膚心得。