陳凱琳謝絕驚喜叫嘉穎慳啲

陳凱琳（Grace）昨日出席I.T時裝活動，吸引近百人圍觀，當中有粉絲及龍友，Grace獲大會送上生日蛋糕預祝6月23日生日，現場更大合唱生日歌，令Grace大為感動。提到一班姊妹陳瀅、蔡思貝等早前為她預祝生日，Grace直言當日是驚喜，沒想到會買蛋糕，覺得好sweet。

簡單食餐飯

問到是否等男友鄭嘉穎送驚喜？她說：「唔使咁多驚喜，心血少，佢又知道我鍾意簡簡單單，大家都開緊劇，如果抽到時間食餐飯，已經滿足。（等佢送禮物？）冇乜特別，冇乜想要，費事浪費，等佢欠住我先，想要咩先話佢知。（生日願望？）健健康康，開心。」提到嘉穎詐型指她忙，Grace表示大家都開劇，但可能自己拍古裝劇《翻生武林》扮演錦衣衞要用多點時間。

鄭嘉穎	「白雪公主」陳凱琳與模特兒同台行騷，分外突出。	陳凱琳的粉絲為她合唱生日歌。

搵替身揮刀

問到生日有否申請放假？她稱與嘉穎都無請假，工作上度過亦開心。她又謂拍劇要大體力，需要拿雙刀演出：「練完膊頭都會攰，返到屋企散晒。（拎刀起晒繭？）係，都係熟能生巧。（叫嘉穎幫你按摩做生日禮物？）叫佢做我替身。（佢擔心你練得多？）佢擔心天氣熱，驚我中暑，叫我睇實自己。」

提到父親節，她稱今日要開工，昨晚一家人食飯，嘉穎要開工缺席，但已先跟陳父承諾下次再請食飯。

文：名人組