方力申睇男人跳艷舞
影星方力申與許雅婷（Kabby）合演新片《綁架丁丁噹》，分別有除衫騷肌及跳性感自摸舞等大膽情節，問會否覺得被導演錢國偉（Wilson）整蠱？小方稱為電影效果在所不惜！問見到許雅婷跳艷舞時有否個心噗噗跳？小方大爆：「我拍嗰時係Wilson跳畀我睇！」錢國偉笑謂：「佢好好戲o架喇，見住我跳都仲諗起Kabby！」而Kabby直言後悔未有往探班，不能親睹小方騷肌。
談到女主角王菀之拍攝時仍未做「蘇太」，錢國偉謂：「呢套戲我結咗婚先拍，拍完就到佢（王）結婚，我哋仲講笑話到上畫係咪小方結婚，點知……」早前與鄧麗欣分手的小方說：「可能到時我真係結婚呢！（堪輿家學陳子才話你兩個下年復合！）唔回應啦，上次都有塔羅牌大師話唔會復合啦！」
