沙麗 阿Lam分房瞓
葉蒨文（沙麗）與老公林子祥（阿Lam）下月踏入結婚二十周年，近年各自傳有第三者惹來婚變傳聞，沙麗更自爆與阿Lam因性格不合曾鬧離婚，最後雙方決定以「分房瞓」解決問題。
現時54歲的沙麗1996年7月下嫁林子祥，是圈中模範夫妻，直至近年兩人分別傳有第三者令婚姻亮紅燈，但兩位當事人否認婚變，沙麗日前接受有線節目訪問，對於與阿Lam的廿年婚姻，她直言兩夫婦性格相當極端：「佢好似女人，做咩都好滋油，喺屋企講嘢細聲到聽唔到，我就好男仔頭。」
沙麗自爆與阿Lam生活不協調，曾吵大鑊嗌離婚：「佢五點就起身，嘈到我瞓唔到，試過鬧交嗌到離婚，最後搵個解決方法，我哋揀咗分房瞓。」她又自稱是嚴母：「冇後悔冇生小朋友，我管教好嚴，就算依家係繼母，我對Alex（林德信）都好嚴，佢喺外國讀書時逼佢自己賺錢。」
停工照顧母親
作為孝順女，沙麗前年經歷喪父深受打擊：「雖然陪咗佢3、4年，但都覺得照顧得佢唔夠，佢走嗰刻我諗到以後見唔到佢，我唔知點捱落去，依家仲係好掛住佢。」沙麗現時為照顧病母，不惜放棄所有工作，她又提到加入樂壇時與黃柏高鬧交，她說：「佢要我唱廣東歌，我死要唱國語版，鬧咗好耐先妥協，最後國語版紅咗，證明堅持係啱。」
文：音樂組