陳庭欣抓撈鳥搶生意
陳庭欣昨日攜同三個月大的愛鳥抓撈求拍廣告：「睇下雀仔可以有咩賣！」講到愛鳥快將學識講人話，她表示打算帶牠當司儀工作的助手，又笑言不怕被寵物搶生意：「我做佢經理人！」
藝人陳庭欣（Toby）、樂瞳、羅天宇和何廣沛昨日在葵芳出席無綫《2016 TVB最受歡迎電視廣告大獎》公開投票活動宣傳，騷腿的Toby攜同愛鳥Shabu Shabu到場，Shabu Shabu在台上亦乖乖地爬上樂瞳的手指，氹得樂瞳非常開心。受訪時，Toby笑言帶三個月大的愛鳥「抓廣告」：「狗仔可以賣狗糧，貓仔賣貓糧，睇下雀仔可以有咩賣？」又指首次見大場面的愛鳥遲點會識講說話：「諗住遲司儀工作都帶埋佢幫手。（請佢唔請你點算？）仲好，我唔使做，我做佢經理人！」她又表示想接有關寵物的廣告，或者有關狗隻私人繁殖場壞處的政府宣傳影片：「一啲未必搵錢抓廣告。（搵夠？）唔係，但唔好淨係識搵錢。」
釋禽流感疑慮
Toby又指不少同事見到愛鳥只聯想到禽流感：「佢話唔好黐咁埋，但其實誤會晒！」並指寵物鳥大多孵化後經過檢查，也不會四處飛，所以甚少中招。
另外，羅天宇談到完成《愛．回家》後，他有份拍攝的新劇《完美叛侶》亦快將播出：「之前都話有套《呂后》，但唔知係延遲定點？」提到日前獲已榮休的金牌監製李添勝點名稱讚，他受寵若驚：「多謝佢，其實《呂后》都係佢開，但依家冇機會合作。」
文：影視組