錢小豪賽車延續父子情

忙於籌備下月舉行泰拳錦標賽的錢小豪，父親節前夕特別與13歲的細仔錢穎德打番場泰拳當慶祝！小豪自言採取開放政策教仔：「想佢學泰拳唔係繼承我衣鉢，只係想佢多啲活動，冇話逼唔逼！佢大大吓想學跳舞就畀佢去學，依家佢最鍾意係賽車！」玩賽車一年的錢穎德考獲初級小型賽車證書，小豪直言帶兒子學賽車是出於私心：「想搵個大家共同鍾意嘅運動，延續父子情！想同個仔似兩兄弟，得閒傾吓車經！」不少「星二代」進軍娛樂圈，小豪亦採開放態度，但要求兒子一定要大學畢業：「唔阻止佢入行，但如果冇才華，有個天王老竇都保你唔住！」錢穎德則笑言未想入行：「想玩多幾年！」