草蜢拍MV攞景：叫蘇志威喺南灣等伍姑娘！

草蜢昨日出席新碟簽唱會因塞車搞到遲大到，三子到場即衝上台與歌迷道歉，由於他們與伍詠薇（伍姑娘）老友鬼鬼，成員蔡一傑大方透露有搵對方：「佢心情愉快，冇事，唔使擔心。（佢兩公婆好番？）冇唔好過，呢啲係人哋家事唔方便講太多。」問到伍詠薇老公練海棠是否要跪玻璃？蔡一傑說：「冇問，前日打畀佢（伍詠薇），佢哋仲撐緊枱腳，應該冇事。」抵死的蔡一智表示有意邀請伍詠薇客串新歌MV：「叫蘇志威喺南灣等伍姑娘。」提到今日父親節，三人表示會與家人食飯，蘇志威說：「睇吓細女有咩創意。」而蔡一智笑言會將囝囝親手炮製的愛心自製車轉送給父親。