再見亦是朋友？金剛感嘆：女仔未必肯…

早前與蕊蕊分手的金剛、趙頌茹（Yu）與杜如風等昨日錄影無綫節目《男人食堂》，拍攝的主題為「再見亦是朋友」，「應晒景」的金剛自言沒有問題：「又唔係我殺咗佢屋企人！」又坦言最近少與蕊蕊聯絡：「我覺得大家應該做番自己嘅嘢。（同前度做到朋友？）我就冇問題嘅，但女仔就未必肯，所以有時女仔唔使咁小器嘅，又唔係錯得好嚴重，偷食就話啫！性格（不合）就唔好咁啦！（今次又講到喊？）唔會！我『巧驚強』！」至於與前夫周永恆離婚兩年的阿Yu被問到能否與對方再做朋友，她即說：「做朋友要有共同價值觀。（喺節目度講周永恆？）唔係朋友咪唔使講囉！」