李彩華激戰徐子珊 朱慧敏背多fun

美容教主鄭明明的美容集團昨晚舉行周年晚宴，於會展筵開150席，碌盡人情牌請了好友內地女星劉曉慶親自來港撐場外，還有李彩華、徐子珊、楊思琦、張文慈、羅霖、薛家燕、鄧萃雯等性感捧場。

一眾女星當中以李彩華最為性感，谷胸兼透視。她透露服飾於外國網站購買，幸而非常合身。正忙在內地拍古裝劇的她，為晚宴專程回港，大呻天氣炎熱下拍古裝戲十分辛苦，亦令她清減不少：「之前試過冇時間休息，諗番起都覺得辛苦。女仔要keep住皮膚、心態，我試過拍一日喊十次嘅戲，即刻生晒白髮，所以唔接苦情戲啦。」又透露早前拍內地節目玩遊戲時不慎受傷：「原來好危險，個遊戲係有個窿要大家衝入去，但我入去時畀人狂扯，結果chok親頸，好癲。（工作繁重豬籠入水？）會喺國外買樓，澳洲、英國都買咗。（有幾多個物業？）幾個啦，當儲錢，喺外國買樓回報高，唔錯。」

以黑白裙谷胸上陣的徐子珊，令人眼前一亮。	剛從台灣旅遊返港的張文慈，化身迷人pink lady。	朱慧敏笑言以「背多fun」造型登場。

張文慈為姊妹封口

而以綠色大露背裝現身的朱慧敏，則笑言以「背多fun」造型登場，並透露半年前認識鄭明明，媽媽都有跟明明姐學美容、化妝及髮型等。至於剛與李麗珍到台灣散心的張文慈，提到珍妹與潘源良分手一事，表示不願多提。徐子珊亦以黑白裙盛裝出席，以心形胸示人，十分有睇頭。

61歲的劉曉慶（左）專程從內地趕來港支持好友鄭明明。

薛家燕、鄧萃雯

61歲劉曉慶大晒M字胸

同場61歲的劉曉慶面對一眾小花亦寶刀未老，大晒M字胸，更透露為趕來港，到場前整整兩日沒有睡覺，因要做《武則天》世界巡演。問到平時如何保養？她稱平時沒時間睡覺，但好少發嬲，最重要開心。至於工作上會否減產？她坦言目前會精挑細選地接工作，明年年底會到英國拍電影：「做巡演、旅行、生意及見朋友，時間都分不過來！」

文：名人組