許懷欣做音樂 唔行舊路
歌手許懷欣（Ryan）月底將推出新碟《Wake Up》及舉行音樂會，屆時家人亦會撐場，問到可會讓四歲多的孖仔上台演出？他笑說：「未必咁快。（咁爸爸許冠傑呢？）唔會，佢知我做Indie，畀我自己發揮。」
Ryan坦言「星二代」的身份曾為他帶來壓力：「我喺美國讀書都有夾Band，嗰陣冇壓力，因為冇人知道我嘅背景，不過2004年一返香港，啲人即刻將我同爸爸比較，其實我都預咗，但有自己嘅音樂路，所以唔會影響太多。我玩音樂就係想畀大家知，我唔係要Copy爸爸嘅路，我好Proud of寫呢啲Rock歌。」提到現時市道欠佳，歌手做音樂很難搵食，作為獨立歌手的他說：「做音樂係好辛苦，所以我都係一半時間做音樂，另外啲時間做Graphic Design，最緊要可以做番真正想玩嘅音樂，亦照顧到家人。」又指為歌迷唱Live是做音樂的動力。
服裝：Volcom Asia
鞋履：Nike SB