邵音音淋雨為新世代打氣

藝人邵音音早前拍攝短片，以個人的崎嶇事業生涯勉勵年輕人要堅持。她指拍攝過程殊不簡單：「我哋去咗廟街拍足一日，撞正落雨，又要拍我食煙，為咗連戲食咗好多支！（導演有冇話廟街煲煙想表達啲咩？）佢哋話嗰度有好多歌廳，想表達我唱過歌廳，我話我唔係唱廟街，但佢哋有個人睇法。（有好多年輕人向你訴苦，話生活艱難？）其實搵我拍片係想表達我呢個年齡對年輕人嘅睇法，拍嗰時要我即場發表睇法，我話：『要生存落去，要等待，人嘅機會靠個人努力可以改變。』我都唔知出嚟效果係點，因為我前排去咗外地拍嘢，未睇過。（拍攝時好尷尬？）冇，係落雨辛苦啲囉，但附近商販好好，咁我有收酬勞嘅！」