鍾舒漫償心願街頭賣藝

歌手鍾舒漫日前出席活動，即場自彈自唱，談到與不少街頭音樂家同場演出，她表示計劃嘗試Busking（街頭音樂）：「以前喺外國讀書成日見到，我都有諗過喺街度幫人畫畫，或者做啲才藝表演彈琴唱歌咁，不過香港未係好流行，所以一直都冇機會做。」她表示已得到公司同意，可以一嘗在街頭唱歌的滋味：「我有時都會停低聽人唱，雖然冇聽過人哋現場唱自己啲歌，不過試過畀人Tag我話有唱過我啲歌，原來人哋唱自己啲歌真係會好開心。」