甄詠珊聽力受損 膊頭任拍

歌手甄詠珊日前到電台接受葉文輝的節目訪問，自爆不為人知的事：「其實我係七星女，未足月就出世，而且出世後發咗一場高燒，聽覺受損，剩番七至八成聽力，所以如果大家想叫我，唔好淨係叫我，要拍埋我膊頭，費事以為我高傲。」她亦表示錄歌曲《灰色》時耳朵發炎，故錄音時要單靠另一邊耳朵。另外，甄詠珊因家庭問題，十五歲就出來半工讀，因此令她培養節儉及腳踏實地的性格。