馮允謙後知後覺寫情歌補鑊
唱作歌手馮允謙（Jay）去年跟是非一籮籮的G.E.M.傳出緋聞，但今年初卻突然宣布與圈外女友的戀情，Jay坦言不想讓女友難過而選擇公開；加上眼見身邊許多朋友都已組織家庭，Jay揚言已視女朋友為結婚對象，更親自創作情歌收錄在新專輯內，希望女友收貨：「想提醒自己要做個好嘅男朋友！」
歌手馮允謙（Jay）入行五年，推出第五隻專輯《Coexistance》細訴這五年的經歷。自從於加拿大畢業後回港參加《超級巨聲3》奪得亞軍，繼而加盟英皇旗下，Jay自覺比其他人幸運，希望將自己的音樂感染所有人。Jay表示自己看起來充滿正能量，但有段時間都曾感到迷失，因為在香港做音樂好困難，亦要不斷增值以保持競爭力，問到可曾想過放棄？他說：「我唔會坐喺度話你知冇，喺呢行係要為夢想爭取，不過有時會諗我啱唔啱做呢行，因為我好怕講嘢，好怕曝光。」他透露最近在舊同學聚會中，得悉很多朋友已經結婚生子，有很穩定的工作，但自己仍在追尋夢想，笑言這是一件多熱血的事。
不容許再犯錯
談到他於年初突然公開跟圈外女友的戀情，Jay坦言不多不少跟G.E.M.的緋聞有關，因為不想女友難過，加上很珍惜對方，才決定公開。問到可會羨慕身邊朋友經已組織家庭，Jay承認已視女朋友為結婚對象，更特別作了一曲《後知後覺》送給女友，並收錄在新專輯內。他透露跟女友已認識多年，以前因為時機不對而分開：「趁有第二次機會就想寫自己嘅心聲畀佢，唔想再錯過。呢首歌係想提醒自己要做個好嘅男朋友，以前唔夠成熟，會犯錯。（對方有冇呻你忙？）有呀！我話等我紅咗先，第日買間屋畀佢。我唔會再想失去，希望有日可以同佢結婚。」
文：音樂組
Make Up：Kandy Leung @ Beauty tech
Hair：Jolam @ Queen's private