與莊端兒「分手」？張致恒扮傻：我唔知嘅？

藝人張致恒（Steven）昨日出席電子產品活動，雖然之前有傳他跟女友莊端兒「分手」，但在台上他則不避嫌多次風騷提及「女友」，如講到產品有追蹤寵物功能，他即笑言：「唔可以畀女朋友知道呢樣嘢。」受訪時問到如果女朋友叫他戴此產品會戴嗎？他繼續風騷笑言：「我願意！佢要我戴都ok，我從良，目標係結婚。」問到跟女友現時無事？他即扮傻：「有事咩？幾時有事我唔知o既？」似是間接否認分手傳聞。講到DJ姐夫Donald日前被人扑傷，他坦言出事當晚已立即致電慰問對方：「如果人哋唔係攞棍，而係攞刀點算？叫人幫手就好，唔好自己去追。」講到對方現時傷勢，他笑言：「反而擔心佢冇咗忽頭髮會點。」