Stephy唔認小方箍煲：冇探過我
鄧麗欣（Stephy）與方力申於三月中驚爆結束十年情，兩幫歌迷一直渴望這對金童玉女能重修舊好，Stephy昨日出席活動有信心可以與舊愛做回朋友，但否認小方箍煲，指二人分手後一直沒見面。
Stephy與小方早前透過公司宣布「分訊」，縱然兩人未有交代分手原因，但外界一直希望兩人可以舊情復熾，Stephy昨日穿上白色通窿連身褲與劉浩龍出席公司記者會，對於有傳小方藉探其鄰居張繼聰而博見她一面，Stephy否認：「係咩？冇探過我，大家一路冇見。（好陌生？）依家係過渡期，畀啲時間大家，相信可以做朋友。」
與周秀娜夾好唔打面
近日忙於與周秀娜及樂基兒拍攝打戲的Stephy大呻辛苦，她說：「一直拍夜班同埋係咁打，好彩有替身。」並笑言開拍前曾與兩位對手表示不要打面，記者笑指可打胸部，Stephy大笑說：「我冇Airbag！」她還否認好姊妹吳雨霏有喜：「呢段時間有咗就唔知。（做定契媽？）隨時奉陪。」同場的浩龍坦言因為化妝師好友日前病逝，故不會為天后女友容祖兒舉行生日派對慶祝。
揀舊愛拍情慾文藝片
另外，小方日前出席無綫節目《娛樂3兄弟》，提到Stephy半年前曾問他：「其實我哋諗嘅嘢係咪一樣？你有冇諗過將來？」小方說：「我梗係有諗過將來，唔係點會咁耐？當時覺得係有共識。」並補充說：「即使我哋成功拉埋天窗，但唔代表冇問題存在。」節目中，主持人要小方三揀一拍情慾文藝片對手，當中有緋聞女友傅穎、舊愛鍾欣潼及Stephy，小方毫不猶豫揀了Stephy，他說：「再搵我哋拍有噱頭，我仲可以嗌高啲價。」
文：音樂組