伍詠薇避談夜審 錫仔翹上車示威
伍詠薇老公練海棠被爆與大胸女車廂蜜會，令她前日要為老公交代事件兼替對方向傳媒鞠躬道歉。由於前日早上「被踢爆」事件剛發生，伍詠薇下午即要出外工作，未能向老公「深入」了解情況，故前日見記者時已揚言晚上要審問一番！
而經過一夜之後，昨晨伍詠薇外出工作，先坐上練海棠用來載大胸女的「戰車」到銅鑼灣整頭髮，之後再到土瓜灣拍攝有線節目《伍姑娘真識食》。穿連身裙、外披紅外套的她，笑容滿面，看來已跟老公「談判」成功，適逢昨日她訪問的嘉賓是蘇民峰，她表示不用指點迷津：「我瞓得好好！一切如常，開心嘅。」
唔會鑽牛角尖
雖以開心來形容刻下心情，但伍詠薇表明不會再答有關老公的問題，當記者問到有否打老公籮柚？她笑說：「唔答喇！（咁有冇傾偈？）有，我話咗要了解，但傾啲乜就唔同大家交代。」記者提到練海棠時，她都風騷偷笑，問她老公現在是否千依百順？她笑說：「我唔睬你呀！（件事解決咗？）你望我個樣覺得解決晒未？問題係用嚟解決，唔係用嚟鑽牛角尖。」開工期間，伍詠薇玩Facebook直播，與有線主持陳皓雲預祝生日，又攬又錫。對於昨日有報道指其姊妹勸她離婚，她反問：「邊個姊妹呀？啲問題咁毒嘅！」
夫妻間總有小風波
至於袁詠儀（靚靚）昨日表態支持好友伍詠薇：「之前已經同老伍（伍詠薇）取得聯絡喇！總之我個老友講乜，我就做乜，佢話係咁就係咁，我覺得夫妻之間點都會有啲小風波，冇嘢喇，佢老公始終係深愛佢！」問到伍詠薇的心情，靚靚說：「佢冇事，所有嘢都處理得好好，相信佢哋經過今次會知道同人哋去食飯要點處理。」
文：影視組
攝：追蹤組