陳潔儀性感開騷妙手醫生撐場
新加坡歌手陳潔儀（Kit）前晚在港首度開個人演唱會，於會展舉行《著迷‧陳潔儀演唱會》，當年與Kit拍攝劇集《妙手仁心Ⅱ》的三位「醫生」吳啟華、林保怡、曹永廉亦有捧場。Kit稱：「冇諗到喺香港識到咁多朋友，仲有拍劇。多謝今（前）晚嚟捧場嘅《妙手仁心》嘅朋友。嚟香港發展前，好多人警告我，話香港人好勢利，但我識嘅你哋都係好warm。」她亦稱兩年前做聲帶手術時是人生低潮：「嗰陣我真係好驚，瞓喺手術室，唔係吳啟華幫我開刀，係另一個人，依家可以企番係度唱歌好開心。」
Kit整晚造型不失性感，其中金色露肩低胸長裙最養眼。當嘉賓譚詠麟（校長）出場，她即笑說：「咁樣見校長會唔會有啲sexy？」校長則抵死說：「呢度係『性基道學院』，不過個性字係豎心邊。」兩人互錫面珠，阿倫讚Kit是靚聲王，之後拖手合唱《Angel of the Morning》。
飆高音贏掌聲
Kit完騷後接受訪問，提到她飆高音唱《炫耀》贏得全場掌聲，是否想一雪前恥？她謂：「其實一直係我嘅fans都睇過我嘅演出，冇咩好去證明。為演唱會去唱都OK，但如果叫我上個節目專登唱就唔會。」
文：音樂組