梁靖琪拉頭馬緊張標汗

藝人周家蔚、湯盈盈、梁靖琪（Toby）、文頌嫻及郭少芸等靚女盛裝打扮雲集馬場，捧好友馬主胡偉林的馬匹「領航大師」出賽。梁靖琪穿上白色泰山露肩裙，最為吸睛。「領航大師」最終以大熱門跑第一，眾人開心贏錢之餘，又可齊齊拉頭馬。

Toby接受電話訪問表示：「我哋同胡生好friend，一有時間都會捧佢場，我哋仲夾錢玩吓，大家一共贏咗6位數字。」提到她盛裝打扮，Toby笑謂：「係呀！我哋好尊重呢個場合，我係第一次拉頭馬，着咁少布都緊張到標晒汗呀。」

首次拉頭馬的梁靖琪勁開心。
  • 首次拉頭馬的梁靖琪勁開心。