袁偉豪吸啜郭子豪 臭！

袁偉豪與郭子豪日前為無綫劇集《三個女人一個「因」》拍攝咀戲，兩人都是肌肉型男，前者是香港先生，後者則是A&F亞洲首位模特兒，很難想像會有「咀嘴」戲！拍攝場口講述子豪想做明星，故去拍片，由於要做一場有特別表情的戲，故袁偉豪叫他食西瓜及榴槤等，食到肚痛就有「戲」到、有貨交，後來子豪食到抹晒嘴，袁偉豪一心幫他，卻成個人失重心趴落子豪度，還嘴對嘴被對方「吸盤」式吸住，拍罷二人即時又叫又抹嘴，場面搞笑又倒胃！拍攝時，為營造子豪驚嚇效果，故未咀時，他都Keep住金魚嘴口形，相當搞笑！

袁偉豪接受本報記者訪問時坦言今次是第一次獻吻給男人：「子豪拍呢場戲時又食乳酪、西瓜同榴槤，榴槤我真係唔得，所以當時自己惟有閉氣，估唔到劇中女主角未錫到，但就咀咗個男人。（劇中同智雯有咀戲？）仲未知有冇！」

一咀完，兩男即刻彈開兼急急抹嘴！	袁偉豪	袁偉豪女友岑杏賢昨日出席記者會大騷長腿。

女友岑杏賢睇完反胃

問到拍此場咀戲前有甚麼準備？袁偉豪笑說：「乜準備都唔使啦！連心理準備都唔使，拿拿聲拍完走啦！不過啲工作人員好Hyper，個個攞住手機影相，因為要拍攝多個角度，呢場戲都拍咗三次。」他笑言拍第二個鏡頭時，都撞到子豪棚牙，頻說不好意思。問到女友岑杏賢是否不敢咀他？他笑說：「冇呀！佢都有睇條片，睇完都有反胃感覺。」

而子豪坦言未試過同性「咀嘴」，笑言是「初吻」，拍時好似掛鈎吸盤般吸實袁偉豪的嘴。說到拍時要食榴槤，子豪說：「其實我本身都唔食榴槤！所以拍嗰陣袁偉豪都話我個口好臭！」

文：影視組