克勤3千萬過檔英皇？ 阿倫：唔係咁少

李克勤將與環球唱片結束約17年合作關係，亦離開合作逾30年的經理人公司藝能娛樂，昨日有傳他以3千萬身價過檔英皇。與克勤屬同一經理人公司及唱片公司、關係亦師亦友的譚詠麟（阿倫）昨日出席活動時，被問到對於兄弟轉會可感可惜？他說：「唔捨得、感嘆、唔開心會有，手掌、手背都係肉，其實成件事半年前我已經知，當時第一時間同佢（克勤）講，畀到錢就去，不過唔相信數目係咁少，聽講唔係咁少。」問有否力挽克勤留在環球？他認為不可行，因每間公司做法不一樣：「等佢（克勤）出去闖吓。」兩人拍擋的《左麟右李演唱會》叫好又叫座，問克勤轉唱片公司後，《左麟右李》可難再續？阿倫說：「夾埋就費事喇。（搞告別左麟右李演唱會？）唔需要，緣分嚟，世界冇邊個唔得。」至於克勤昨日在截稿前未有就加盟英皇一事回應。