黃子恆：仲有同裕美聯絡
藝人裕美驚爆和黃子恆發展婚外情後，宣稱和老公林恩浩正辦理離婚，昨日下午兩點半，在事發後一直潛水的黃子恆在男性友人陪同下離開寓所，直往西貢醫肚，問到和裕美關係？他堅稱兩人是朋友，至於事件曝光後有否聯絡，他說：「有，慰問吓佢囉，佢一直唔想公開離婚呢件事，逼住要同所有人去面對呢個問題，其實佢壓力都好大。」問到怕不怕被指介入裕美婚姻？他說：「咁又冇得咁講，冇理由每個朋友都問人結咗婚未？拍拖未？冇得咁樣o架嘛。（你之前知唔知佢搞離婚？）唔知。（驚唔驚公司會照肺？）正常朋友食飯啫，唔使照肺啩。」
曾搵婚後輔導員
至於裕美昨晚透過社交網上載短片，表示「2014年年底我同Jason（丈夫林恩浩）發生咗一啲不愉快事件，關係開始破裂，但我哋有去找婚後輔導員、牧師傾，嘗試挽救感情，但盡咗力都唔workout。」她稱一直未有透露是怕家人擔心，亦感謝朋友支持。她再發文留言：「決定自己重新一個生活開始，就知要適應各種困難……我會專心工作，不再回應感情問題。」而她昨日並沒有接聽電話，其密友透露林恩浩不喜歡裕美做娛樂圈，令兩人有很大分歧。
另外，裕美老公林恩浩於社交網站感激好友慰問和相伴，亦有其朋友在facebook鬧爆裕美。
文、攝：追蹤組