糖妹坐定粒六等細佬養
歌手糖妹、麥貝夷、譚淇淇及藝人吳綺珊昨日出席「馬百良」之「為爸爸健康打打氣」活動，作為代言人的糖妹已經做了4、5年，她多謝廣告商經常賣廣告，令她唱的廣告歌家喻戶曉，大受歡迎。問代言工作不斷的糖妹是否豬籠入水？她說：「賺到錢都用番喺屋企度。」糖妹的爸爸今年剛榮休，而弟弟即將到英國讀書，她直認要孭起頭家：「細佬去英國讀書每年學費最少要30萬港幣，我投資喺佢身上，希望將來佢養番我。」
慣高調晒愛
父親節將至，糖妹希望可以多抽時間陪家人，問到可有準備禮物？她笑說：「最好廣告商送啲健康食品畀我，我送畀阿爸做禮物。」忙於灌錄新歌的糖妹被問到感情事，她笑言恨拍拖，但都要隨緣，問是否秘密拍拖？她笑說：「冇，我咁鍾意炫耀，拍拖會講，都有朋友介紹男仔，但冇乜興趣，我覺得最緊要係孝順父母。」
麥貝夷變臉
至於久未露面的麥貝夷被指變臉，她即笑問：「似唔似區文詩先？啲人成日話我哋似樣，都有朋友問我係咪整容，我話係呀！隆胸，但失敗咗！我冇整過，我一向都唔上鏡。」剛簽了新公司的她早前到西班牙參與內地一個網上真人騷，全程要說普通話，但她自嘲：「我啲普通話唔掂，佢哋話聽唔明。」雖然唱片市道欠佳，但麥貝夷表示會繼續唱歌，談到昔日拍檔鍾一憲，她說：「我哋有聯絡，佢依家喺內地發展，佢好似喺大陸好紅，有次我喺內地地鐵站見到佢啲海報，係成個站都貼滿晒！」
文：音樂組