古天樂堅遇子彈橫飛 槍戰假戲真嘭
【林蔚恩上海直擊】張家輝與古天樂昨日在上海宣傳新片《使徒行者》，透露為電影深入巴西三不管地帶拍攝槍戰戲，期間真槍實彈擦肩而過，牆身全部都是子彈窿，相信有真槍音效襯托，電影會加倍逼真！古天樂笑言當時有導演安慰：「佢話有人放炮仗喎！」
演員張家輝、古天樂、佘詩曼與內地演員李光潔等昨日出席《上海電影節》，宣傳主演的電影《使徒行者》。古天樂與張家輝早前為電影到爆發寨卡病毒的巴西取景，古天樂坦言克服對病毒的恐懼是一大挑戰，家輝則搞笑說：「見到好多巴西妹，胸很大！」又笑指巴西美女的屁股太大不好看，還是國產美女最好！對於片中兄弟情，古天樂說：「兄弟情就係兄弟情啦！反正唔會有接吻戲。」
導演安慰：當燒炮仗
兩人受訪指電影賣點是猜測誰是臥底，講到在巴西拍攝槍戰戲，古天樂與家輝坦言與真實的槍林彈雨擦肩而過，幫手為電影「配音」，古天樂說：「去到一個地方拍戲，連差人都唔可以入去，要交畀嗰度啲保安保護。拍拍吓槍戰戲聽到有槍聲，旁邊有人槍戰緊，導演就話有人放炮仗喎！我話唔好玩啦！導演話佢想呃自己，後來同家輝講啲牆全部都係子彈窿。（驚唔驚？）又冇乜點驚嘅，拍戲緊要啲。」家輝則讚劇組安排完善，全程拍攝順利，又指在巴西拍攝的是重心戲，因有不少動作場面。
做臥底打到周身瘀
至於佘詩曼與李光潔預告角色是臥底，阿佘自言不擅長拍打鬥戲，打到全身瘀晒，惟有要求導演殺青前才拍攝要露肌膚的戲份：「飛車、爆炸、開槍、打鬥，我依家好好打(O架)！有場戲仲要同個韓國女仔打。」講到謝賢拍攝《賭城群英會》時撞車受傷，麥明詩則哮喘病發，阿佘說：「四哥依家康復中，麥明詩都冇乜嘢，下次要記得帶藥。」此外，現場播出一段許紹雄片段：「歡喜哥仲未死。」為電影留下伏筆。
文：影視組