河知雲苦練中文登「陸」
韓星河知雲現身上海電影節相關活動，席上任賢齊稱將有機會與河知雲合作電影，二人以英語交談，河知雲希望開拓大中華市場，向任賢齊透露正努力學中文：「佢話之前出席活動都有唱過我啲歌，亦睇過我好多電影，真係好榮幸！」正籌備四部電影的小齊，不諱言很想拍江湖及魔幻題提材的電影。
對於舊拍檔舒淇在網上公開與緋聞男友馮德倫的「蜜照」，小齊即陰陰嘴說：「嘩！我唔方便回答，我好處係守口如瓶。」問到是否知內情？他即吞口水表示不會代答：「你哋睇到嗰啲我都睇到，你哋未睇過嘅我都睇過！（有咩評價？好Sweet？）係好Sweet！畀佢自由發揮，祝福佢！」
