祖兒爆響口40歲嫁劉浩龍

天后容祖兒昨日以一身型爆西裝look現身懷舊上海理髮店為百老滙拍攝新一輯廣告，昨日農曆生日的她笑指雖然自己已經十八對（即36歲），但智商只有18歲，希望往後能夠愈keep愈好，keep到退休為止。提到本月16日生日有甚麼節目？祖兒直言還未知道當日要否工作，但有機會與演唱會拍檔李克勤為巡唱綵排。問到克勤可會夾埋男友劉浩龍送上驚喜？她坦言應該不會，男友是否經常送上驚喜？她笑言：「一般啦，好一般嘅生活。（有冇投訴佢？ ）佢唔投訴我就算啦，都冇乜時間見佢。」

搵雙子藝人合作

當提到日前克勤在Instagram上載了與太太、劉浩龍及祖兒的四人的甜蜜合照，祖兒笑言：「係得到我同意，一次半次。（克勤點問你？）佢問我想四個人定係三個人嘅合照，我咪話四個囉，見係你！佢話大大方方咪好囉！其實我開頭都諗咗陣o架。（潮流興放閃，幾時自己擺相？）我唔做最興嘅嘢，大家戥我開心就得，愈老土愈好。（下次擺相係咪婚紗相？）冇咁快啦，起碼廿個對（即40歲）！」

祖兒爆響口話40歲結婚，劉浩龍識做啦！	祖兒與日本組合World Order擺搞笑甫士。	祖兒拍廣告前獨自現身「名人飯堂」午膳。

談到今次拍攝廣告邀請到日本男子搞笑組合World Order合作，祖兒透露稍後會到酒樓及燒味店拍攝，問到屆時有甚麼特別造型？她笑言：「自己係一舊叉燒，媽咪生我嘅時候。」談到新歌邀請到佘詩曼參與MV，祖兒指會繼續找雙子座的藝人一同拍攝，但最緊要係找新歌的「生父」填詞人黃偉文參與。

單拖去名人飯堂

另外，祖兒昨日在拍攝廣告前獨自現身名人飯堂福臨門用膳，雖然大熱天時，她仍穿上灰色長袖衞衣和長褲，配上紳士帽，配合她低調時尚的風格。

文：音樂組

攝：唐豁莊