馬詩慧三色寶石贈子女

名模馬詩慧（Janet）與長女王曼喜（Kayla）昨日出席首飾活動時，分別穿上黑白低胸裙，Janet更佩戴合共逾5,000粒鑽石的珠寶，非常名貴！身材更勝女兒的她獲讚性感，她表示經常與女兒交換衫褲鞋襪穿着，也會將首飾留給囡囡，問到是否家傳之寶？她說：「會有少少，老公都一路有送畀我。（最難忘係邊次？）佢每次送畀我都會有特別意思，好似個仔出世，佢搵人做咗隻戒指，上面有紅寶、藍寶同鑽石，代表三個仔女嘅生日石。（呢隻留畀邊個？）佢哋猜包剪揼啦！」問到Kayla父親節送甚麼禮物給爸爸？她笑說：「仲諗緊！」Janet即調皮地說：「父親節感覺冇母親節咁重要，所以應該送禮物畀我，哈哈！」Kayla聽罷一副沒好氣樣子，十分搞笑！