老公發個夢 杏兒有鑽墜收

胡杏兒日前為美鑽品牌Forevermark拍攝「永恒的幸福」專輯，其後還會到社福機構進行探訪，她說：「一直期待透過自己嘅力量喺社會宣揚正面訊息，尤其想幫助兒童或者婦女，透過互動送上關懷同祝福。」專輯由本地時尚攝影師Olivia Tsang操刀拍攝，杏兒以多個新娘造型示人，搭配瑰麗鑽飾散發懾人魅力！問到最深刻的美鑽時刻，她笑言是婚禮前夕，與老公Philip不斷構思婚禮標誌的設計：「老公有晚發夢夢見一個標誌，立即喺凌晨4點起身畫低，最後呢個標誌唔單止用喺婚禮度，佢仲將標誌訂製了一個鑽石吊墜畀我，好難忘、好感動！」