《玄學星相》：下年方力申等雞到翻撻Stephy
歌手方力申早前與鄧麗欣結束十年情震驚全城，其實昔日不少圈中金童玉女最後亦分手收場，如黎明與前妻樂基兒、S.H.E成員Selina與律師張承中，究竟他們有否機會復合再續童話？今集《玄學星相》請來堪輿學家陳子才講箇中「緣」機！
《東網巨星》娛樂節目《玄學星相》播出後反應熱烈，深受觀眾歡迎，最新一集請來堪輿學家陳子才，解構圈中幾對昔日的登對情侶分手後可有機會復合，愛火能否重燃？歌手方力申早前與鄧麗欣（Stephy）突然宣布結束十年情，可謂轟動全城，陳子才指方力申今年命格有「紅鸞」桃花，錯過了結婚可能是分手的一大原因，至於有否機會復合？他坦言絕對有可能：「Stephy命盤入面嘅夫妻宮本身帶住一粒『咸池』桃花，即係指有機會同舊相識或舊相好翻撻。去到出年係雞年，方力申亦係行番佢自己嘅生肖，成個命盤嘅『咸池』桃花！你問我佢哋有冇可能翻撻，就睇吓2017年有冇咁嘅事發生囉！」
黎明樂基兒復合機會微
至於最近Like爆的天王黎明（Leon），2012年與名模樂基兒離婚，陳子才指兩人復合機會不大：「性格都係有『斬釘截鐵』嘅情況。即係點？即係一就一、二就二，做咗唔會後悔，叫佢再返轉頭嘅機會唔高。（離婚後Leon一路未有新歡，相反樂基兒就已經有男友，咁Leon幾時會有着落？）我睇佢今年仲係好忙！」
另外，S.H.E成員Selina與律師張承中離婚亦令粉絲感到可惜，陳子才說：「第一，佢哋嘅夫妻宮從來冇合過，根本唔係特別啱。第二，兩個都係性格非常強，自尊心好強、好好勝，咁就麻煩喇！」仲想繼續聽師傅點講？只要Click入《東網巨星》的「視娛樂」，便可以睇到《玄學星相》！
網址：http://goo.gl/zgRDLZ
文：專案組