《東網巨星》：岑麗香Fun享美容秘技
萬人迷岑麗香昨日接受《東網巨星》及《東網》Facebook直播訪問，笑容冧死人的香香分享多個生活秘密，舉手投足超可愛，吸引大批網友瀏覽！香香自爆喜歡用碌碌棒瘦面、落力敷Mask護膚、以牙膏醫暗瘡及戒消夜減肥，難怪獲Fans激讚身材變苗條。雖然有問必答，但香香講起男友強強即封嘴，被問到有否幫男友做Facial？她笑說：「又問男友？你哋想訪問我定訪問佢呀？」
直播上，香香又透露最驚小強（曱甴）：「點解一隻小強要飛？你行嚟行去咪夠囉！做咩咁貪心！」還分享一次以雜誌拍死小強的經歷，最開心的是該雜誌封面正是她的負面報道，令她更有成功感！
