「綠魔」許嘉浩（Karl）於前晚播出的ViuTV節目《晚吹 總有一隻係左近》接受主持陳淑蘭訪問。Karl大爆曾目擊一位仍活躍於娛圈的一線女星冷待粉絲：「佢出道十年，我有次撞到佢離開電台前同助手夾定，佢話：『唔使理Fans，你叫定司機喺門口等我。』佢出到去畀記者影相後就走，仲話係助手唔畀佢停低，有Fans跌低佢都照走。」Karl又稱曾見過代名為「腐皮卷」的藝人於慈善活動中扮善心捐錢後「變臉」：「現場有身體痙攣的坐輪椅人士，『腐皮卷』見到有人影相就去捐一百蚊，影完相就叫助手攞消毒紙巾畀佢抹手。」