陳慧琳唔知老公有冇7年之癢

歌手陳慧琳（Kelly）與張智霖（Chilam）昨日出席美心月餅代言品牌活動時，透露將如何慶祝父親節，Kelly直言老公日前生日，與兩個囝囝親手整了便當慰勞老公，問到何不親自下廚？她自嘲下廚唔掂：「我煮就唔食得o架喇！唔係幾好食。」又表示湊兩個囝囝已沒有精力為老公送上驚喜。問到怎樣度過結婚周年？Kelly直言很少慶祝：「除非十年啦！依家仲有四年諗。（可有七年之癢？）拍拖十幾年乜都癢完啦！我就冇，唔知隔籬嗰個點，不過都OK，睇得出佢畀好多時間兩個仔。（再生B？）No Thanks！好肯定！好鬼老喇！不過如果意外都會生嘅。」談到剛甩拖的細佬陳司翰，Kelly坦言全家人都不敢過問其感情事，她也是看報紙才知道，但就大方祝福莊思明幸福快樂，又大讚對方是好女仔。