「蛋都冇隻」學湊B伍詠薇：係咪玩嘢？

伍詠薇主持有線節目《伍姑娘真識食》昨日邀來周汶錡擔任嘉賓，並宣布添食7集。錄影期間兩人被安排「湊B」，伍詠薇聞言即謂：「我蛋都冇隻，係咪玩嘢先？」幫道具B換尿布時，她更失手令「BB」墮地。
伍詠薇與周汶錡（左）幫道具B換片。
伍詠薇與周汶錡（左）幫道具B換片。

事後談到生育問題，伍詠薇笑說﹕「人嚟呀，點生蛋？其實我有同老公認真商量過，決定二人世界終老。」至於添食節目酬金，她不諱言：「幾好嘅，不過7月底就拍完，做番孤兒仔嘞！（返無綫？）我哋關係一直幾好，會返去錄影節目。」她又大方祝福舊拍檔鍾麗緹訂婚：「只要佢覺得適合，why not ?恭喜佢呀！」

失手跌B的伍詠薇揸住尿片呆咗，要周汶錡執手尾。
  • 失手跌B的伍詠薇揸住尿片呆咗，要周汶錡執手尾。