蔡瀚億怕醜：好驚錫欣宜

蔡瀚億於片中咀欣宜，更表示：「錫得好舒服。」

喜獲與母合唱碟

活動期間為兩位壽星女周秀娜與欣宜送上生日蛋糕，欣宜表示兩度獲好友送上驚喜派對，更獲贈兒時與媽媽沈殿霞合唱的黑膠碟：「隻黑膠碟唔係多錢，但呢份心意好感動，我喊咗出來。有呢班咁好嘅朋友，好幸福、富有，有真心嘅朋友最重要。」談到近日頻頻晒泳衣照，她說：「之前同女性朋友去峇里慶祝生日，準備咗四套泳衣，都係同款唔同色，喺網上買，好難搵啱身泳衣，着得唔娘已經好好。（有冇艷遇？）冇喎！」

周秀娜傷舊患

而另一位壽星女周秀娜透露近日忙拍另一新片《女士復仇》，拍動作戲時不慎拗柴傷及足踝舊患：「前幾日拍一場着住三吋高踭鞋奔跑急停嘅戲，因為腳踝有舊患韌帶撕裂過，一急停隻腳就冇晒力，拗柴起唔番身。」

周秀娜前晚包裹着足踝舊患現身，並透露已開始消腫。	兩位壽星互相吻賀。	電影煞科，蕭定一率領眾人祝酒。