細細粒有得執 絕處逢生
擁有「人類最強Body」的藝員陳嘉佳（細細粒）被稱為「處女黨榮譽會長」，網友對其姻緣運相當關心，星級形象指導郭慶彬給予4大要點改善其造型，目前冇拖拍的她揚言會參考意見改進，又向網友揚言：「我真係瘦咗！」如此積極，看來「開齋」指日可待！
現年31歲的陳嘉佳（細細粒）擁有106kg重量級身形，近年憑搞笑肥妹形象深得觀眾關注，劇集內曾與Bob（林盛斌）及許紹雄床上肉搏，但現實經驗仍是白紙一張！日前宣傳劇集《性在有情》時，她被阮兆祥取笑「原封不動」仍是處女，其後她拍攝新劇《迷》時更突然強吻吳業坤「洩慾」，場面搞笑。
郭慶彬畀貼士
網友對細細粒仍未有拖拍的話題深感興趣，紛紛獻計望她盡快有着落，更指其造型有提升空間。本報聯絡星級形象指導郭慶彬（Ricky）給予意見，希望增強細細粒的吸引力，Ricky認為她可試走成熟女人味路線：「佢平時畀人感覺係開心果，但已經過咗30歲，可以試吓成熟啲嘅形象，首先唔好剪齊蔭，留長少少蔭，頭髮唔需要咁長，剪到膊頭位置，感覺新潮啲。」服裝方面，他建議選擇深色，例如黑色的服裝，以及剪裁簡單的裙都有助修飾身形：「唔好揀太Colourful、多層次或者好多細節嘅服裝，亦唔需要性感，最重要係襯對高跟鞋，可以拉長身材比例，亦更有女人味。」他認為細細粒不妨參考英國重磅歌后Adele的打扮。
轉風格求新鮮
對於Ricky的教路，細細粒說：「多謝Ricky嘅意見，我會嘗試改進，嘗試不同風格，帶畀大家新鮮感，希望將來有機會同Ricky合作！不過有時因為工作關係，衣着係需要睇拍咩劇同廣告決定，私底下會參考多啲佢嘅意見，佢始終係專業人士，眼光一定比我好。」另外，她前晚在Facebook玩直播大騷真性情一面，不顧儀態表演食榴槤，見她邊大啖咬邊跟網民傾偈，有網民說：「傳說話你瘦咗！」她即大反應地說：「我真係瘦咗呀！」
文：影視組