李嘉欣炒車唔識驚 港姐獎品變廢鐵

昨日李嘉欣以一身型格打扮出席賽車活動記者會，早年也有到澳門參加賽車的她，自爆年輕時曾飛車遇上意外：「以前唔識驚，唔知危險，都幾辣o架。嗰陣選港姐有獎品，有架跑車仔，遇上交通意外，架車total loss，個人冇乜事，但都瘀晒，條頸chok親，要做好耐物理治療。」她續謂因現在有老公和兒子，多了份使命感，會更加愛惜生命，安全至上！

未知雪卵有否過期

她又透露囝囝對賽車也感興趣：「佢知我嚟呢個活動都好興奮，因為知道我有得試玩，仲叫我要盡力。其實我依家啲喜好都愈嚟愈男仔，有時又會陪佢去攀石。我係唔想做o架，但要身教做榜樣，不過為咗身教就周身瘀。」對於早前有報道指她雪卵一事？嘉欣笑言未知卵子有否過期，但對此順其自然。

李嘉欣即場試玩模擬賽車。	李嘉欣自言當年揸車技術都幾辣，但現已「從良」。	萬希泉創辦人沈慧林（左）對於賽車也感興趣。

李月肚凸凸望佗女

此外，早前有名21歲富家子因心臟病倒斃家中，有指是其夫許晉亨的家族成員？嘉欣聽罷冇正面回覆：「之前係有家屬有啲事，但我唔方便講，要尊重番佢屋企人。」她指夫家家族很多人，她為注重健康也會定期做身體檢查。而同場的模特兒公司老闆李月肚凸凸現身，透露現正懷有三個月身孕。已育有一名四歲兒子的她，希望今次佗女湊得「好」字。

文：名人組