孟瑤帶開餐男伴避忌

「晶女郎」孟瑤不時與丈夫周磊及兒子享天倫樂，不過昨日她撇下兩父子，相約一名男友人於中環開餐，二人邊吃邊傾狀甚投契，其間孟瑤發現記者即大方向鏡頭揮手，二人逗留約一小時後埋單離開，沿途步往乘車時，孟瑤的男友人顯得避忌，不時低頭撳電話避鏡頭，記者上前邀他們合照時，孟瑤即為友人解圍：「唔使啦，你哋影得我靚啲就得喇！」說罷匆匆上車閃人。事後孟瑤接受電話訪問，她表示因為於澳門參加撲克牌比賽，故順道與友人來港購物。