SG升呢大師姐渴仔抓Job
組合Super Girls（SG）和陳嘉寶本屬同公司理應親如「姊妹」，但對於大師姐陳嘉寶近日爆出離巢消息，SG不但沒不捨之情，更毫不避忌地興奮表示終於「坐正」做大師姐，令人揣測眾女有爭寵之嫌。
組合Super Girls昨日出席活動，其中弱質纖纖的成員Yanny因胃痛缺席，其餘四人對於同經理人公司的師姐陳嘉寶（Anjaylia）約滿離開，起初她們表示看報道後才知消息，但之後曾與陳嘉寶合演無綫劇集的Cheronna自爆其實一早知師姐離巢，並做出成功手勢說：「我哋成功做大師姐！（踢走對方好開心？）唔係踢走，佢都擔心同埋都期待自己將來條路，希望佢日後可以帶挈我哋。」
自封「Dry Girls」
終於榮升「大師姐」的SG又希望經理人公司可以投放更多資源在她們身上：「佢（陳嘉寶）以前成日可以同男士合作，我哋都有呢方面嘅需要。（你哋好渴（異性）？）長期都渴，工作、感情同金錢都好Dry，我哋係Dry Girls。」
露口風想拍電影
而陳嘉寶前晚出席商場活動時坦承，與合作九年的舊公司已正式約滿，正另謀出路。提到她一直有參與拍無綫劇，問到無綫有否招手？她表示雙方一直保持良好關係，並因劇集《殭》反應很好，收到不少工作上的電話查詢。至於會否考慮成為無綫親生女？她說：「未諗，我對電影都好有興趣。（有冇公司出高價簽你？）陸陸續續都有朋友幫啲公司或者經理人探口風，我都好想知我值幾多錢。」
文：音樂組、名人組